“Azərbaycan hər zaman Rusiya ilə qonşuluq, əməkdaşlıq və tərəfdaşlıq siyasəti həyata keçirib. Ancaq Rusiya ATƏT-in Minsk qrupunun həmsədri funksiyasını yerinə yetirməsinə baxmayaraq, Ermənistana pulsuz olaraq təhlükəli silahlarla verir”. Bunu SİA-ya açıqlamasında millət vəkili Asim Mollazadə deyib.

O qeyd edib ki, Ermənistan Rusiyanın əyaləti kimi qəbul edilməlidir: “Ermənistan artıq tam özəlləşib, silahlı qüvvələri Rusiyanın silahlı qüvvələrinin tərkibinə keçib. Onlara Rusiya tərəfindən pulsuz silahlar verilir. Minsk qrupunun həmsədri olan Rusiya belə addımlarla məsuliyyəti öz üzərinə götürür. Çünki Ermənistan artıq mövcud deyil. Ermənistan Rusiyanın hanısa hərbi bazası, əyalətidir. Bu gün Rusiya baş nazirinin müavini Dmitri Roqozinin Azərbaycana işgüzar səfəri çərçivəsində bu məsələlər də müzakirə mövzusu ola bilər”.