Leyla Məhərrəmova / AZADİNFORM. Ermənistanda seçkiyə bənzər bir şou keçirilib və hakim cinayətkar elit güc tətbiq edərək parlamenti ələ keçirib.
Bu fikri Azadinform-a açıqlamasında Milli Məclisin deputatı Asim Mollazadə deyib. O qeyd edib ki, burada məqsəd hansısa yeni idarəçilik islahatı aparmaqla hakimiyyəti qoruyub saxlamaqdır. A. Mollazadə bildirib ki, seçki zamanı çox böyük saxtakarlıqlar olmasına, insan döyülməsinə baxmayaraq, hər zaman olduğu kimi beynəlxalq təşkilatlar gözlərini yumurlar: “Beynəlxalq təşkilatlar yalnız xırda qınaqlarla məsələni bitmiş hesab edirlər”. Deputatın fikrincə, bunun əsas səbəbi Qərb ölkələrində zəngin, təşkilatlanmış erməni diasporasının olmasıdır: “Bu təşkilatlar Ermənistana qarşı bütün tənqidləri dəf edirlər”.