Leyla Məhərrəmova / AZADİNFORM. Ermənistan silahlı qüvvələrinin sabiq baş qərargah rəisi Yuri Xaçaturovun Kollektiv Təhlükəsizlik Müqaviləsi Təşkilatına baş katib təyin edilməsi müzakirələrə səbəb olub. Bu təyinat Azərbaycan üçün problem yarada bilərmi?

Bu məsələ ilə bağlı Azadinform-un sualını cavablandıran Milli Məclisin deputatı Asim Mollazadə bildirib ki, əslində bu problem hər zaman mövcud olub. Deputat bildirib ki, bu gün müstəqil Ermənistan yoxdur, o Rusiyanın hərbi forpostudur: “Xaçaturov Rusiya hərbi sisteminin bir parçası olan adam kimi vəzifəsinə davam edir və düşünürəm ki, burada hər hansı bir yenilik yoxdur”. Deputat vurğulayıb ki, Xaçaturovun Rusiyanın hansısa hərbi birliyində xidmət etməsi yeni bir şey deyil.