Leyla Məhərrəmova / AZADİNFORM. “Ermənistan Dağlıq Qarabağ münaqişəsinin həlli ilə bağlı heç bir addım atmaq istəmir. Bu çox təhlükəli vəziyyət yaradır”. Bu fikirləri Azadinform-a açıqlamasında deputat Asim Mollazadə deyib. Deputat hesab edir ki, beynəlxalq təşkilatlar və ictimaiyyət təcavüzkarı cilovlamaq üçün müvafiq addımlar atmalıdır. A. Mollazadə qeyd edib ki, Rusiya danışıqlar prosesini inhisarına götürür, lakin bu istiqamətdə heç bir uğuru yoxdur: “Fikrimcə, bir ölkə deyil, bütünlüklə Minsk qrupu bu prosesdə fəal iştirak etməlidir. Beynəlxalq hüquq normaları işləməyə başlamalıdır. Əks halda heç bir nəticə əldə etməyəcəyik”.
|