|
Son zamanlar Azərbaycanda fəaliyyət göstərən bəzi kommunist qruplarının dövlət müstəqilliyinə qarşı hörmətsiz davranışı müşahidə olunur. Ötən ay bir qrup kommunistin nümayişkaranə şəkildə “26 Bakı komissarları”nın məzarını ziyarət etməsi buna misaldır. Bu qrupun mütəmadi olaraq Azərbaycan Xalq Cümhuriyyətinin qurucu liderlərini şərləməsi, onları qul adlandırması, xarici kəşfiyyatla əlaqələndirməsi halları da müşahidə olunur..... ......Demokratik İslahatlar Partiyasının sədri, deputat Asim Mollazadə isə deyir ki, hansısa tədbirlərdə SSRİ-nin və ya Sovet Azərbaycanının bayrağının qaldırılması qanuna ziddir: “Başqa dövlətin rəmzləri ilə başqa ölkənin maraqlarına xidmət edərək siyasətlə məşğul olmaq qadağandır. Bu faktiki olaraq, “Siyasi partiyalar haqqında” qanunda əksini tapıb. Ancaq biz nəzərə almalıyıq ki, özlərini Kommunist Partiyası adlandıran qrupların çoxları dövlət qeydiyyatından keçməyib. Bu fəaliyyət konstitusiyaya ziddir və dövlət sisteminə qarşıdır. Bu, Azərbaycanın maraqlarına uyğun olmayan bir fəaliyyətdir”.
|
