Milli Məclisin deputatı Asim Mollazadə Avropa Şurası Parlament Assambleyasının (AŞPA) Azərbaycan barəsində araşdırma aparan müstəqil komitəsi tərəfindən millət vəkili Səməd Seyidov başda olmaqla 4 deputatın mandatının dondurulması barədə qərar qəbul etməsini pisləyib. Asim Mollazadə Sfera.az-a açıqlamasında bildirib ki, sözügedən qərar Azərbaycana qarşı ikilistandartların növbəti nümunəsidir:
"Bu barədə hələlik qərar qəbul edilməsə də, ancaq AŞPA-nın son sessiyasında Azərbaycana qarşı təzyiq kampaniyası başladılıb. Bu da onun tərkib hissəsidir. Ancaq Səməd Seyidovun mandatı ləğv olunmayacaq. Hələlik nə qərar verilməsi barədə rəsmi açıqlama yoxdur. Ən təhlükəlisi o ola bilər ki, müşahidə missiyalarında və məruzəçi şəxs kimi iştirak hüququndan məhrum ediləcək. Bütün bunlar bir daha göstərir ki, AŞPA Azərbaycana qarşı qərəzli mövqe nümayiş etdirir”.
Orxan Bəşirov Sfera.az
|