“VI Bakı Beynəlxalq Humanitar Forumunun keçirilməsini şərtləndirən iki əsas vacib məsələ var”. Bunu SİA-ya açıqlamasında millət vəkili Asim Mollazadə deyib.

Onun sözlərinə görə, bu Forum Azərbaycanın öz dəyərlərini dünyaya açıqlaması üçün imkan yaradır: “Bu, Azərbaycanın illərlə formalaşan mədəniyyətlərin, sivilizasiyaların əməkdaşlıq mühiti ilə bağlı olan dəyəridir. Eyni zamanda, digər tərəfdən Forum şərait yaradır ki, Azərbaycanla həmfikir olan insanlar bir araya gələrək öz gələcək əməkdaşlığını və Azərbaycanla birgə bu dəlillərin dünyada müdafiəsini təşkil etsinlər”.

Qeyd edək ki, oktyabrın 25-də Bakıda VI Beynəlxalq Humanitar Forum işə başlayıb. “Yeni dünya və yeni insan formalaşdıraq: kreativlik və insan inkişafı” mövzusunda keçirilən budəfəki Foruma 86 ölkə və 24 beynəlxalq təşkilatdan 581 nümayəndə qatılıb.