Demokratik İslahatlar Partiyasının sədri Asim Mollazadə Rusiya Federasiyası Mərkəzi Seçki Komissiyasının Azərbaycanda səfərdə olan üzvü Yevgeni Kolyuşin və MSK Aparatının Siyasi partiyalarla qarşılıqlı əlaqələr və beynəlxalq əməkdaşlıq şöbəsinin beynəlxalq əməkdaşlıq məsələləri üzrə baş məsləhətçisi İqor Yevlanovla görüşüb.

Görüşdə ölkəmizdəki ictimai-siyasi vəziyyət, Azərbaycanın seçki sistemi, parlament seçkiləri, Rusiya-Azərbaycan parlamentlərarası əlaqələri müzakirə olunub. Asim Mollazadə qonaqlara partiyanın seçki kampaniyası barədə məlumat verib. 

 Demokratik İslahatlar Partiyasının sədri Asim Mollazadə İspaniyanın aparıcı KİV-lərinin jurnalistləri ilə görüşüb. Görüşdə Asim Mollazadə Azərbaycandakı ictimai-siyasi vəziyyət,  parlament seçkiləri, partiyanın fəaliyyəti, Qarabağ münaqişəsi, Azərbaycan mədəniyyəti və tarixi ilə bağlı jurnalistləri maraqlandıran sualları cavablandırıb.