|
“Ermənistan hər vəchlə danışıqlar prosesindən qaçmağa çalışaraq mövcud status-kvonu saxlamağa çalışır. Ancaq Prezident İlham Əliyevin bu barədə Azərbaycanın əsas şətri danışıqlar prosesin reputasiya xarakterli deyil, real şərtlər daxilində necə aparılması ilə bağlı mövqeyini ortaya qoyub”. Bunu “Ölkə.Az”a açıqlamasında millət vəkili Asim Mollazadə deyib. Onun sözlərinə görə, bunun üçün ilk növbədə Ermənistan işğal etdiyi Azərbaycan torpaqlarından çıxmalıdır: “Ermənistan öz işğal siyasətini dayandırmalıdır. Danışıqların predmeti real, münaqişənin konkret həllinə xidmət edən nəticələrə xidmət etməlidir”, - deputat qeyd edib. A.Mollazadə bildirib ki, Paşinyanın oyunları əslində əslində müstəqil olmayan Ermənistanı daha ağır vəziyyətə salacaq: “Nə qədər gec deyil, Ermənistan mütləq işğala son verməlidir. Bu Azərbaycan ən əsas şərtidir. Bunun üçün də Ermənistan BMT TŞ-nin, ATƏT-in və digər beynəlxalq təşkilatların qətnamə və qərarlarını yerinə yetirməlidr. Bu Azərbaycanın mövqeyidir və Prezident İlham Əliyev tərəfindən də bunlar açıq şəkildə ifadə olunub”. Mürtəza
Ölkə.Az
|
