Bu gün
Azərbaycan milli mətbuatının yaranmasından 146 il ötür. Ölkədə ilk mətbu
orqanın – əsası Həsən bəy Zərdabi tərəfindən qoyulmuş “Əkinçi” qəzetinin nəşrə
başladığı 22 iyul tarixi 1991-ci ildən Azərbaycanda Milli Mətbuat günü kimi
qeyd olunur.
“Əkinçi”nin
1875-ci il iyulun 22-dən 1877-ci ilin sentyabrınadək cəmi 56 sayı işıq üzü
görsə də, onun Azərbaycan milli mətbuatının təşəkkül tapmasında, inkişafında
əvəzsiz rolu olub. “Əkinçi”nin
ömrü uzun sürmədi. Lakin o, Azərbaycan milli mətbuatının sonrakı inkişafı üçün
ilk cığırı açdı. 1990-cı
illərdə Həsən bəy Zərdabinin açdığı o cığırı Nəcəf Nəcəfov və onun silahdaşları
daha da genişləndirərək magistrala çevirdilər. Bu gün o magistralla ölkənin
minlərlə jurnalisti, media nümayəndəsi irəliləyir. 2020-ci ilin
sentyabrın 27-də başladılan 44 günlük Vətən müharibəsində Azərbaycan döyüş
meydanında olduğu kimi, informasiya savaşında da qələbə qazanıb. Azərbaycanın
haqq səsinin dünyaya çatdırılmasında jurnalistlərimizin böyük rolu olub. Bu əziz gündə
Azərbaycanın bütün jurnalistlərini, mətbuat işçilərini təbrik edir, onlara uzun
ömür, can sağlığı, yaradıcılıq fəaliyyətlərində böyük uğurlar arzulayırıq!
|