Partiya  Asim Mollazadə əhalini COVID-19-a ciddi yanaşmağa çağırdı: “Vaksinin fəsadları yoxdur və onu qəbul edərkən həyatımıza hansısa təhlükə yaranmır”-

Demokratik İslahatlar Partiyasının sədri, ixtisasca həkim olan millət vəkili, tibb elmləri doktoru Asim Mollazadə əhaliyə vaksinasiya ilə bağlı müraciət edib. 

O bildirib ki, son zamanlar Azərbaycanda koronavirusa yoluxma hallarının artdığı müşahidə edilir. Bu, virusun yeni və daha sürətlə yoluxduran ştamlarının ölkədə yayılması ilə bağlıdır.

Millət vəkili bunu əhalinin böyük bir hissəsinin vaksinasiyadan keçməməsi ilə əlaqələndirib. Odur ki, ölkə əhalisini vaksinasiya prosesinə ciddi yanaşmağa çağırıb:

“Mütləq vaksinasiya etdirmək lazımdır. Dövlət Azərbaycanı hər növ vaksinlə təmin edib. Biz xəstəliyin yayılmasının qarşısını vaksinlə, immuniteti artırmaqla, immun cavabını əldə etməklə ala bilərik. Hansısa təhlükənin, qapanmanın, karantinin olmaması üçün mütləq əhalinin böyük bir hissəsi vaksinasiya prosesindən keçməlidir. Əks halda bunun çox pis fəsadları olacaq. Vaksin olunmayan vətəndaşlarımız ciddi xəstəliklə mübarizədə immunitetsiz qalacaqlar. Bu isə epidemiyanın daha geniş vüsət almasına səbəb olacaq. Ona görə də hamı vaksin üçün müraciət etməlidir”.

Asim Mollazadə qeyd edib ki, vaksinin hər hansı fəsadları yoxdur və onu qəbul edərkən həyatımıza hansısa təhlükə yaranmır. Ancaq kütləvi vaksinasiya bizi epidemiyanın ağır fəsadlarından qoruya bilər.

  Partiya
  Ümumi məlumat
  Məramnamə
  Nizamnamə
  Necə qoşulmalı
  Partiyanın Liderləri
  Partiyanın Sədri
  Siyasi Şura
  Namizədlər
  Məlumat Mərkəzi
  Nəzər nöqtəsi
  Konfranslar və Dəyirmi Masalar
  SEÇKİ 2010
  Fotoqalereya
  Video və musiqi
  Press relizlər
  KIV-də bizim barədə
  Əlaqə