Bu gün ABŞ-ın
Azərbaycandakı səfirliyinin əməkdaşları Demokratik İslahatlar Partiyasını
ziyarət ediblər.
ABŞ
səfirliyinin siyasi məsələlər üzrə müşavirləri xanım Kristin Sinx (Kristin
Singh) və cənab Ceremi Brennner (Jeremy Brenner) partiya sədri, millət vəkili
Asim Mollazadə ilə görüşüblər. Görüşdə ABŞ-Azərbaycan münasibətləri, bölgədəki
ictimai-siyasi vəziyyət, regionda sülhyaratma istiqamətində atılan addımlar
müzakirə edilib. Azərbaycan parlamentində təmsil olunan siyasi müxalifət
nümayəndələri, onların parlament fəaliyyəti ilə bağlı da fikir mübadiləsi
aparılıb. Asim
Mollazadə qonaqlara Demokratik İslahatlar Partiyası və onun parlament
fəaliyyəti barədə ətraflı məlumat verib.
|