"Bizim
universitetlərdə beynəlxalq münasibətlər və beynəlxalq hüquq ən populyar
sahədir. Məgər Azərbaycanın bu qədər diplomata ehtiyacı var?! Bizim daha çox
ehtiyacımız mühəndis və kənd təsərrüfatı istiqamətində olan
ixtisaslaradır". Bunu Milli
Məclisin Gənclər və idman, Əmək və sosial siyasət, Aqrar siyasət, Regional
məsələlər, Təbii ehtiyatlar, energetika və ekologiya komitələrinin 2023-cü il 6
noyabr tarixli birgə iclasında 2024-cü ilin dövlət büdcəsi layihəsinin
müzakirəsi zamanı Demokratik İslahatlar Partiyasının sədri, millət vəkili Asim
Mollazadə deyib. Deputat bildirib ki,
Azərbaycan təhsil sistemi bu gün ölkə iqtisadiyyatının ehtiyacları ilə uyğun
gəlmir. "Bu məsələlərə ciddi
baxılmalıdır. Həm ali təhsil, həm də peşə təhsili istiqamətində ciddi işlər
görülməlidir" – millət vəkili əlavə edib. Asim Mollazadə həmçinin
ölkənin meliorasiya və su təsərrüfatı ilə bağlı problemlərinə toxunub. Qeyd
edib ki, ölkənin su ehtiyatlarına qənaətlə yanaşılmalıdır: “Qarabağın su
ehtiyatlarından istifadə edərkən meliorasiya ilə bağlı problemləri yeni
texnologiyalarla həll etməliyik”. Deputatın fikrincə,
qələbədən sonra ölkənin qarşısında duran əsas hədəf “Böyük qayıdış” layihəsinin
həyata keçirilməsidir. Eyni zamanda Qarabağda yaşıl enerjidən istifadə
edilməlidir. Bu da yeni texnologiyaların tətbiqi ilə mümkündür. Odur ki, bu
istiqamətdə beynəlxalq əməkdaşlıq artmalıdır.
|