Millət vəkili Asim Mollazadə @SputnikAz-a İlham Əliyev-Entoni Blinken telefon danışığının yekunlarını şərh edərkən bildirib ki, ABŞ Azərbaycana qarşı addımlarının və bəyanatlarının yanlış olduğunu dərk etməyə başlayıb.

"ABŞ geri addım atmağa və yanlışlarını etiraf etməyə məcbur oldu. Biz indi gözləyirik ki, ABŞ Dövlət katibinin köməkçisi Ceyms Obrayen Bakıya gəlib nə üçün ermənilərin istəklərini yerinə yetirdiyini izah etsin”, - deyə deputat qeyd edib.

Onun fikrincə iki ölkə arasında gərginlik erməni diasporunun maraqlarına xidmət edir, lakin ABŞ-ın milli təhlükəsizlik maraqlarına və Ermənistanda yaşayan əhalinin maraqlarına ziyan vurur.

İlham Əliyev və Entoni Blinken telefon danışığında Dövlət departamentinin rəsmisi Obrayenin Bakıya səfərini razılaşdırıblar.