Doğum
tarixi: 08 noyabr 1969-cu il Milliyyəti:
azərbaycanlı İxtisası:
Maliyyə-iqtisad Dillər:
azərbaycan, rus, türk (danışıq), alman Kompüter
bilikləri: ofis və internet Təhsili:
Azərbaycan Dövlət İqtisad Universiteti (1989-1995) “Maliyyə-kredit” fakültəsi Yaradıcı
fəaliyyəti: 2000-ci ildən uşaq yazıçısı kimi fəaliyyət göstərir. Nağıllar,
nağıl-pyes ve nağıl-povestlər yazır, dünya xalqlarının nağıl və əfsanələrini
rus, türk və alman dillərində tərcümə
edib müntəzəm olaraq dövrü mətbuatda, xüsusilə uşaq mətbuatında çıxış edir. 2001-ci
ildə YUNİSEF,Respublika Uşaq Təşkilatı və Minalar Əleyhinə Milli Agentlik tərəfindən
Aygün Bünyadzadənin müəllifi olduğu “Mina təhlükəsi” nağıl-pyesinin premyerası
və 17 sərhədyanı rayonda uğurlu nümayişi olub. 2001-ci
ildə Azərbaycan Yazıçılar Birliyi tərəfindən “ilin ən yaxşı uşaq əsərlərinə görə”
Tofiq Mahmud adına xüsusi mükafatına layiq görülmüş, 2002-ci ildə Azərbaycan
Respublikası Gənclər Təşkilatarı tərəfindən “ilin gənc yazarı” nominasiyasının
qalibi olmuş, 2003-cü ildə 2 nağıl-pyesi Azərbaycanın görkəmli klassik
dramaturqu Cəfər Cabbarlı adına xüsusi Diploma layiq görülmüşdür. 2005-2007-ci
illərdə uşaqlar arasında çox populyar olan “Cırtdan”uşaq jurnalının, 2008-ci
ildə “Evcik”, 2014-cü ildə isə “Cobi və dostları” uşaq jurnallarının baş
redaktoru olub. 2007-cı
ildə isə A. Şaiq ad. Azərbaycan Dövlət Kukla Teatrında müəllifin “Kral”
monotamaşası səhnəyə qoyulub. 2009-cu
ildə “Təhsil” nəşriyyatı tərəfindən “Üç nağıl” adlı kitabı dərc olunmuş, kitab
sonradan rus və ingilis dillərinə tərcümə edilib. 2010-cu
ildə “uşaqlar qarşısında xidmətləri üçün” BMT-nin və Polşa Respublikasının Beynəlxalq
“Təbəssüm Ordeni”nə layiq görülmüş və “Təbəssüm Ordeni Kavaleri (cəngavəri)” fəxri
adını qazanmışdır. Bu günəcən dünyanın ən müxtəlif bölgələrindən olan siyasətçilərin,
dövlət başçılarının, din xadimlərinin, yazarların və digər məşğuliyyət sahiblərinin
layiq görüldüyü beynəlxalq “Təbəssüm Ordeni” dünyada yeganə mükafatdır ki,
irqindən, dinindən və məşğuliyyətindən asılı olmayaraq, uşaqlar tərəfindən,
onların dostu olan böyüklərə verilir. Dünya uşaq ədəbiyyatı nəhənglərindən
Astrid Lindqren, Tuve Yansson, Coan Roulinq, Sergey Mixalkov, Aqniya Barto müxtəlif
dövrlərdə bu mükafata layiq görülmüşlər. Eyni zamanda Roma Papası Fransisk,
İsveç kraliçası Silviya, Marqret Tetçer, 14-cü Dalay-Lama, Fərəh Pəhləvi,
Tereza ana və digər məşhur şəxslər də fərqli illərdə bu mükafata layiq layiq
görülüblər. 2017-ci
ildə Azərbaycan Respublikası Təhsil Nazirliyi tərəfində keçirilmiş “ən yaxşı
uşaq əsərləri üçün” müsabiqələr “uşaq pyesləri” nominasiyasında 2-ci yeri
qazanmış və fəxri fərmanla mükafatlandırılıb. 2023-cü
ildə Moskvada dərc edilən “MDB dövlətlərinin bu günkü ədəbiyyatı” seriyasının
“uşaq ədəbiyyatı” kitabına Azərbaycandan A. Bünyadzadənin müəllifi olduğu “Bir
damla su” və “Karuseldəki at” nağılları da daxil ediliblər. Müxtəlif
illərdə müəllifi olduğu, üstəlik, türkcədən tərcümədə onlarla kitabı və
redaktoru olduğu kitablar işıq üzü görüb.
Yüzə
yaxın nağıl, nağıl-povest və nağıl-pyesin müəllifidir, dünya xalqlarının 200-dən (iki yüz) çox nağıl əfsanə və uşaq ədəbiyyatı
nümunələrini türk, rus və alman dilindən dilimizə tərcümə edib. Nağılları türk, ingilis, özbək və rus dillərinə tərcümə
edilib. |